Maşın 80 yaşlı qadını vurub öldürdü

Qazax rayonunda piyadanın ölümü ilə nəticələnən yol-nəqliyyat hadisəsi baş verib.

İstiPress-in məlumatına görə, hadisə rayonun Yuxarı Salahlı kəndi ərazisində qeydə alınıb.

Belə ki, avtomobil yolu qarşı tərəfə keçmək istəyən Yuxarı Salahlı kənd sakini, 1940-cı il təvəllüdlü Hilal İsmayıl qızı Aqrahovanı vurub. Qadın aldığı xəsarətlərdən hadisə yerində dünyasını dəyişib.

Faktla bağlı araşdırma aparılır.